Նորություններ

2026 թվականի հունիսի 19-ից TLScontact-ը Երևանում գտնվող իր կենտրոնում ներդնում է Իտալիայի համար զբոսաշրջային վիզաների հերթագրման նոր համակարգ։ Առցանց եղանակով հերթագրման ամսաթիվ և ժամ ընտրելու և ամրագրելու փոխարեն դիմորդներին հերթագրումը կտրամադրվի ավտոմատ կերպով՝ ըստ առկա հնարավորությունների։

Ո՞ր վիզաների տեսակների վրա է ազդում այս փոփոխությունը

Նոր համակարգը կգործի միայն զբոսաշրջային վիզաների համար։ Բոլոր մյուս վիզաների տեսակների դեպքում հերթագրման համակարգը մնում է անփոփոխ։

Ինչպե՞ս ստանալ հերթագրում

Զբոսաշրջային վիզայի դիմորդների համար նոր գործընթացը կլինի հետևյալը․

1. Գրանցվել TLScontact-ի կայքում և տրամադրել դիմումի համար պահանջվող տեղեկությունները։
2. Դիմումի հաստատումից հետո կստանաք հաստատող հաղորդագրություն, որում նշված կլինի, որ ձեր դիմումը ստացվել է և ընդգրկվել է հերթում։
3. Հերթագրում տրամադրվելու դեպքում կստանաք ծանուցում էլեկտրոնային փոստով։
4. Հերթագրումը հաստատելու համար վճարեք ծառայության վճարը էլեկտրոնային նամակում նշված ժամկետում։

Ինչո՞ւ է կատարվել այս փոփոխությունը

Նոր գործընթացը ներդրվել է՝ վիզայի դիմորդներին պաշտպանելու խարդախ և թանկարժեք միջնորդ կազմակերպություններից, ինչպես նաև բոլոր օրինական դիմորդների համար հերթագրումների նկատմամբ արդար և հավասար հասանելիություն ապահովելու նպատակով։

Տեղեկացնում ենք, որ «Առանց հանդիպման» (Արտահերթ) ծառայությունն այլևս հասանելի չի լինի 18.05.2026-ից։

Բոլոր դիմումատուներին խնդրում ենք հանդիպման ժամ ամրագրել առցանց՝ համակարգի միջոցով։

Հարգելի դիմումատուներ,

2026 թվականի ապրիլի 1-ից կընդունվեն միայն այն դիմումատուները, ովքեր ունեն նախապես

ամրագրված հանդիպում։

ԵՐԵՎԱՆՈՒՄ ԻՏԱԼԻԱՅԻ ԴԵՍՊԱՆԱՏԱՆ ՑՈՒՑՄԱՄԲ

2025թ․ դեկտեմբերի 5-ից սկսած Ձեր ժամադրությունը կչեղարկվի, եթե առցանց դիմում-հայտի պարտադիր դաշտերը սխալ լրացված լինեն։

ՕՆԼԱՅՆ դիմում-հայտի պարտադիր դաշտերն են՝

• Վիզայի տեսակ և ճամփորդության նպատակ

• Ազգանուն

• Անուն

• Ծննդյան ամսաթիվ

• Ներկայիս քաղաքացիությունը

• Ճանապարհորդական փաստաթղթի համարը

• Ճանապարհորդական փաստաթղթի տրման ամսաթիվը

• Ճանապարհորդական փաստաթղթի վավերականության ամսաթիվը

Խնդրում ենք ընտրել այն վիզայի տեսակը, որի համար դիմում եք (օրինակ՝ տուրիստական վիզայի համար դիմող անձիք չեն կարող ընտրել բիզնես կամ մյուս վիզայի տեսակները)։

Իտալիայի վիզայի դիմումների քանակի զգալի աճով պայմանավորված՝ ս/թ ապրիլի 1-ից սկսած՝ հանդիպումներ կարելի է ամրագրել միայն տվյալ օրվանից մինչև առավելագույնը 90 օր ընկած ժամանակահատվածում նախատեսված ճամփորդությունների համար։

Սույն ընթացակարգի նպատակն է բավարար չափով հասանելի տեղեր ապահովել, ինչպես նաև խուսափել այն փաստից, որ 90 օրից ավելի ուշ մեկնողները զբաղեցնեն բոլոր ազատ տեղերը։

• Խնդրում ենք չդիմել վիզայի համար, եթե դիմումի ուսումնասիրման ընթացքում Ձեր անձնագիրը պետք է լինելու այլ նպատակների համար (միջանկյալ ճամփորդություն, բանկի հետ գործարքներ, աշխատանքի նպատակով, քննություններ, այլ դեսպանատներում հանդիպումներ):• 2025թ․ ապրիլի 1-ից ընկերության կայքում սխալ տվյալներով հաստատված բոլոր հանդիպումները ավտոմատ ջնջվելու են։• Խնդրում ենք զերծ մնալ խախտումներից, կրկնակի գրանցումներից և անձնագրային սերիայի սխալ մուտքագրումներից։ Անձնագրի սերիայի վերջում X-ով (Z-ով, O-ով) բոլոր գրանցումները նույնպես կհեռացվեն կայքից։